arpitan.ch & francoprovencal.ch

Sens tués des arpitans (patouésans) tot u tôrn du Mont-Blanc !

Accueil > Valês (VS) > Ollon (Chermignon) > Nô tè farén vali (Nos tè farens valêr)

Nô tè farén vali (Nos tè farens valêr)

Nous te ferons valoir

mardi 6 avril 2021, par Dzakye

Nô tè farén vali (Nos tè farens valêr) - Nous te ferons valoir
De Olivier et Alfred Rey, de Chermignon, Valais

Ton / Son teriê des archives de memovs : http://xml.memovs.ch/s024-57-040.xml

Tèxte orig.inâl en arpitan de Chermignon, avouéc les tradicions francêses : http://arpitan.ch/documents/Nos-te-farens-valer-Alfred-Rey.pdf

Nos tè farens valêr (= Valês) !

D’una solèta vouèx
Défendens lo patoués,
Nouthra lengoua genta,
Bèla, et pllèsenta.

Te francoprovencâl,
T’es més que ren qu’égâl
Ux prègiérs d’alentôrn.
Por nos, te vâls de l’or.

Les premiérs sons aouis,
Éront-ils pas de lui ?
Les parents lo chantant
A nos-ôtros enfants.

Aprés, d’un viâjo grôs,
Des mots n’en-d-avant prod
Por totes les rêsons,
Defôra, a mêson.

’L at por chaque role,
Des parrens, des drôles,
Que fusse du travaly
Du payis, du bétaly.

On pôt arriér preyér,
Mémament charreyér,
S’adrèciér u Bon Diô.
Qué nos fôt-él de plus ?

Acutâd los cotêrds
Sont-ils pas des concèrts ?
Veniont ux orelyes
D’acôrds, des mervèlyes :

Més biô que lo francês,
Pas tôrs coment l’anglês,
Muens dur que l’alemand,
Mielx que lo talian (l’étalien)

Savoyârds, Vâldotens,
Pués vos Gruveriens,
Celos des cantons de Vôd
et du Valês : tués nos !

Gouardens cél lengâjo
Guê, fier, ux mènâjos.
Fât lo fére valêr
Pas que siuvre Paris.